Gwasanaeth Cuddliwio Croen Cymru
Rydym yn falch iawn o gyhoeddi lansio ein Gwasanaeth Cuddliwio Croen arbenigol yng Nghymru, gyda chlinig newydd yn agor ym Mracla, Pen-y-bont ar Ogwr.
ar y dudalen hon
Er mai ein Gwasanaeth Cuddliwio Croen unigryw yw’r unig wasanaeth arbenigol a rhad ac am ddim i bobl sydd â gwahaniaeth gweladwy (craith, marc neu gyflwr sy’n effeithio ar eich golwg), mae yna rai opsiynau eraill ar gael y gallech fod eisiau eu harchwilio.
Cuddliw croen preifat
Efallai y byddwch yn gallu dod o hyd i ymarferwyr cuddliwio croen preifat ledled y DU sy’n codi tâl am apwyntiad ac unrhyw gynhyrchion cuddliwio croen maen nhw’n eu darparu. Yn anffodus, ni allwn gymeradwyo unrhyw ymarferydd preifat na gwarantu ansawdd unrhyw wasanaeth cuddliwio croen a gynigir gan eraill.
Samplau o gynhyrchion cuddliwio croen
Mae pecynnau sampl o hufenau a phowdrau cuddliwio croen ar gael i’w prynu gan y cyflenwyr canlynol isod. Dyma hefyd y cynhyrchion y mae ein hymarferwyr ein hunain yn eu defnyddio yn ystod apwyntiad Gwasanaeth Cuddliwio Croen.
Rydym yn argymell yn gryf, lle bynnag y bo modd, eich bod yn cael apwyntiad Gwasanaeth Cuddliwio Croen cyn archebu a rhoi cynnig ar y pecynnau sampl hyn. Fel hyn, gallwn eich helpu i ddod o hyd i’r cynhyrchion sy’n gweddu orau i’ch croen chi.
- Veil
- Dermacolor gan Kryolan
- Keromask
- Covermark
Mae ein Gwasanaeth Cuddliwio Croen am ddim i bobl sydd â gwahaniaeth gweladwy – craith, marc neu gyflwr sy’n effeithio ar eich golwg. Gall unrhyw un dros bump oed ddefnyddio ein gwasanaeth a chyda’n hamrywiaeth eang o gynhyrchion, gallwn ddarparu ar gyfer pob lliw croen. Am ragor o wybodaeth, darllenwch esboniad o beth yw cuddliwio croen a beth allwch chi ei ddisgwyl mewn apwyntiad.
Os oes gennych ddiddordeb mewn gweld ymarferydd naill ai wyneb yn wyneb neu ar-lein, gofynnwch am apwyntiad: