Cuddliwio croen yw defnyddio hufenau a phowdrau arbenigol, llawn pigment y mae modd eu defnyddio i wneud craith, marc neu gyflwr croen yn llai amlwg. Mae ein Gwasanaeth Cuddliwio Croen arbenigol yn cynnig apwyntiadau am ddim gydag ymarferwyr cuddliwio croen hyfforddedig mewn clinigau ledled Lloegr a’r Alban.
Dewis y math cywir o apwyntiad i chi
Rydym yn cynnig apwyntiadau wyneb yn wyneb yn ogystal â sesiynau cynghori ar-lein a thros y ffôn. Fodd bynnag, dim ond mewn apwyntiadau wyneb yn wyneb y gallwn gynnig cydweddu lliwiau. Os nad ydych chi’n siŵr pa opsiwn fyddai orau i chi, gweler y canllaw i’n Gwasanaeth Cuddliwio Croen.
Mae ein clinig yng Nghymru ym Mracla, De Cymru. Mae’r clinig tua 40 munud o daith mewn car o Gaerdydd ac Abertawe.
Gallwch hefyd gysylltu â’r tîm drwy e-bostio [email protected] neu ffonio 0300 012 0276. Os mai Cymraeg yw eich dewis iaith, anfonwch e-bost atom gan nad oes gennym staff sy’n siarad Cymraeg ar gael dros y ffôn ar hyn o bryd.
Mae hwn yn wasanaeth mor wych ac rwy’n hynod ddiolchgar am y gofal gefais i.
Gwybodaeth y bydd ei hangen arnoch i lenwi’r ffurflen
Bydd angen y canlynol arnoch:
- Eich rhif GIG. Gallwch ddod o hyd i hwn ar unrhyw ohebiaeth ysgrifenedig gan eich meddygfa neu ysbyty gan gynnwys presgripsiynau, canlyniadau profion neu lythyrau, neu gallwch gysylltu â’ch meddyg teulu i gael hwn.
- Manylion eich meddyg teulu. Bydd yr wybodaeth hon yn ein helpu i wirio a oes cynhyrchion cuddliwio croen ar gael ar bresgripsiwn yn eich ardal. Mae ein hapwyntiadau cuddliwio croen yn cael eu hariannu’n rhannol gan y GIG, ac mae angen cadarnhad arno eich bod wedi mynychu.
Beth fydd yn digwydd wedyn?
Ar ôl ichi lenwi’r ffurflen gais isod, byddwn yn anfon e-bost atoch i gadarnhau bod eich cais wedi dod i law. Yna byddwn mewn cysylltiad i drefnu eich apwyntiad cyn gynted ag y bydd lle ar gael. Mae amseroedd aros yn amrywio rhwng lleoliadau clinig, ond ein nod yw cynnig apwyntiad i chi o fewn chwech i wyth mis i gael eich ffurflen wedi’i llenwi.
Os na chewch yr e-bost cadarnhau neu os oes gennych unrhyw gwestiynau, cysylltwch â’r tîm gan ddefnyddio’r cyfeiriad e-bost neu’r rhif ffôn isod.
Gofyn am apwyntiad
Gofynnwch am apwyntiad am ddim gan ddefnyddio’r ffurflen isod.
Os hoffech chi drefnu apwyntiad yn Lloegr neu’r Alban, ewch i’n gwefan Saesneg.
Rydym wedi ceisio sicrhau bod ein clinigau yn hygyrch i bawb. Os oes gennych anghenion mynediad penodol, rhowch wybod i ni pan fyddwn yn cysylltu â chi i drefnu eich apwyntiad.
Os oes angen cymorth arnoch i lenwi’r ffurflen hon neu os oes gennych gwestiynau am y gwasanaeth, cysylltwch â’r tîm drwy e-bostio [email protected] neu ffonio 0300 012 0276. Os mai Cymraeg yw eich dewis iaith, anfonwch e-bost atom gan nad oes gennym staff sy’n siarad Cymraeg ar gael dros y ffôn ar hyn o bryd.